ഇന്ത്യന്‍ താരങ്ങള്‍ വിജയം ആഘോഷിക്കുമ്പോള്‍ ധോണിയെ മാത്രം അവിടെ കണ്ടില്ല; കാരണം ഇതാണ്.

മുംബൈ: ട്വന്‍റി 20 പരമ്പരയിലെ മൂന്നാം മത്സരത്തിലും ജയിച്ച ഇന്ത്യ ലങ്കയെ എല്ലാ രീതിയിലും മലത്തിയടിച്ചിരിക്കുകയാണ്. അഞ്ച് വിക്കറ്റിനാണ് മൂന്നാം ട്വന്‍റി 20യില്‍ ഇന്ത്യ ശ്രീലങ്കയെ തോല്‍പ്പിച്ചത്. അവസാന ഓവറില്‍ നാല് പന്തുകള്‍ ബാക്കി നില്‍ക്കെയാണ് ഇന്ത്യ വിജയലക്ഷ്യം നേടിയത്. ശ്രീലങ്ക നേരത്തെ 135 റണ്‍സ് നേടിയിരുന്നു. വിജയലക്ഷ്യമായ 136 റണ്‍സ് അഞ്ച് വിക്കറ്റ് നഷ്ടത്തില്‍ ഇന്ത്യ സ്വന്തമാക്കി. എല്ലാ പരമ്പരകളും കൈവിട്ട ശ്രീലങ്ക അക്ഷരാര്‍ത്ഥത്തില്‍ ഇന്ത്യന്‍ താണ്ഡവത്തില്‍ ഒന്നുമല്ലാതാവുകയായിരുന്നു. മത്സരത്തിന് ശേഷം ആഘോഷങ്ങളിലേക്കും സമ്മാനദാന ചടങ്ങിലേക്കും ഇന്ത്യന്‍ താരങ്ങള്‍ തിരിഞ്ഞെങ്കിലും ഒരാള്‍ മാത്രം ലങ്കയുടെ യുവതാരങ്ങളെ സമാശ്വസിപ്പിക്കുന്ന തിരക്കിലായിരുന്നു. മറ്റാരുമല്ല, ഇന്ത്യന്‍ ടീമിന്‍റെ കൂള്‍ താരം മഹേന്ദ്രസിംഗ് ധോണി. അഖില ധനഞ്ജയേയും മറ്റ് യുവതാരങ്ങളുടെയുമടത്താണ് ധോണി പോയത്. മിനുട്ടുകളോളം നീണ്ട സംഭാഷത്തില്‍ ധോണി ഇവരോട് എന്താണ് പറഞ്ഞതെന്ന് വ്യക്തമല്ലെങ്കിലും യുവതാരങ്ങളോട് നിരാശപ്പെടരുതെന്നാണ് ധോണി പറഞ്ഞതെന്ന് കമന്‍റേറ്ററുമാര്‍ പറഞ്ഞു. വിഷമിക്കേണ്ട കാര്യമില്ലെന്നും യുവതാരങ്ങളായ നിങ്ങളെ കാത്ത് ഇനിയും മത്സരങ്ങള്‍ ഉണ്ടെന്നും ധോണി പറഞ്ഞതായി കമന്‍റേറ്ററുമാര്‍ പറയുന്നു. ഓരോ താരങ്ങളുടെയും ബാറ്റിംഗ് ശൈലിയും കഴിയും എടുത്ത് പറഞ്ഞായിരുന്നു ധോണി ഇവര്‍ക്ക് പ്രചോദനം നല്‍കിയത്. ഇന്ത്യന്‍ ബോളര്‍മാര്‍ മികച്ച പ്രകടനം കാഴ്ചവച്ച മത്സരത്തില്‍ ലങ്കയുടെ ബാറ്റിംഗ് 20 ഓവറില്‍ 135ല്‍ ഒതുങ്ങുകയായിരുന്നു.